拍拖多年的胡諾言及陳琪，結婚不久即懷有愛情結晶品，不過向來未雨綢繆的胡仔，早前趁空檔即與太太逛「國際嬰兒、兒童用品博覽」（簡稱BB展），搜羅BB用品，為將出世的寶貝做好準備！由於陳琪肚大如籮，故行經多人的地方，胡仔都對太太十分照顧，當胡仔行經其中一個嬰兒用品攤位時，更即場試用孭帶，孭起一個玩具BB，見他尚算熟手，不致「雞手鴨腳」！事後他表示孭起玩具嬰兒時，雖然感覺非常不同，但一想起將來會孭起自己的BB時即感覺十分溫馨。

陳琪與胡仔細心欣賞BB雜誌，流露出喜悅之情。	胡仔非常照顧陳琪，果然是一名好老公。	將為人父母的胡仔及陳琪，搜羅BB用品時都分外興奮。

望BB腳踏實地

而陳琪又大爆胡仔像一名大細路，喜歡逛玩具店，胡仔說：「將來我都會同BB一齊行呢啲玩具店，不過可能各有各買，其實玩具對小朋友嚟講係一個好好嘅回憶，第時可以同BB一齊玩，溝通都會好啲。」問到將來是否希望BB入讀名校，胡仔說：「呢啲好長遠，但能力範圍內我當然會畀最好嘅嘢BB，但唔使一定讀名校，有車、有工人接送等等，我好希望佢可以好似我哋嗰輩啲人咁腳踏實地。」