榮獲05年香港先生健力組冠軍的大隻佬Rocky(鄭健樂),自當選後加入TVB成為藝員,曾拍攝多套電視劇。最近剛拍竣電視劇《老公萬歲》的他透露,現正在休息中,但將會努力投入工作:「因為屋企多咗個新成員,我第二個囝囝出世,屋企請多咗個工人,所以負擔大咗,嚟緊要辛苦啲喇!遲啲我會做番健身教練,不過我都會繼續拍劇,因為拍劇始終係我嘅興趣!」
問到Rocky對今屆香港先生有何評價時,他說:「我都有喺屋企留心睇,其實年年嘅表演都差不多,都係唱歌同跳舞,不過今年有個唱印尼歌嘅幾得意,搞到我屋企個印籍傭工睇得好開心!」