黃宗澤（Bosco）在動畫《喜羊羊與灰太狼》中聲演灰太狼一角，角色相當怕老婆。他笑言現實中亦與角色相似，但他解釋「怕」等於遷就，還指怕老婆會發達，故不介意。
首次為動畫電影配音的Bosco，在內地動畫《喜羊羊與灰太狼》中聲演灰太狼一角：「拍劇同聲演有唔同嘅滿足感，今次感覺好新鮮，需要將自己把聲變做另一把聲，用咗好多時間。加上角色係一名大奸角，成日要『鍊』住把聲講對白，當日一口氣配咗六個鐘，之後要即刻飲番啲嘢潤吓聲！」電影中灰太狼的性格獨特兼怕老婆，問Bosco現實中是否一樣怕老婆，他笑着承認：「都係o架！相士麥玲玲同蘇民峰都係咁講！（對女友呢？）都一樣啫！其實怕即係遷就，係男士應該嘅，冇所謂啦！同埋怕老婆會發達吖嘛！」
請杏兒睇新片
問到會否邀請緋聞女友胡杏兒欣賞《喜》片，Bosco說：「佢好似喺外地工作，但上映後都會邀請佢入場睇，如果唔係之後都會送番影碟畀佢！我都會請埋表弟同姨甥仔睇！」
恨做奸角上位
《喜》片在內地相當受歡迎，票房累積達九千萬人民幣。香港上映則由Bosco聲演，令他倍感壓力，並希望上映後小朋友能叫他做灰太狼。另外，他希望有更多機會拍攝電影，加上邵氏已重新開拍電影，身為無綫藝人的他亦感到興奮：「拍電影係做藝人嘅夢想，當然想拍多啲！就算演大奸角都冇所謂，因為奸角先吸引到觀眾留意，好似米雪同徐子珊喺《家好月圓》入面都做得好成功！」問到會否向陳志雲自薦？他說：「咁又唔會，如果公司覺得有適合角色就自然會搵我！」