本文重點
樂壇新進女子組合J-Twins，有別一般女子組合，皆因成員鄧芷茵（June）與岩村菜菜美（Jay）出生於不同地方，雖然語言不通，但同齡的J-Twins憑眼神火速衝破障礙，擦出另類花火。
早前日本富士電視台綜藝節目《Gold House》聯同星娛樂，以及著名經理人陳自強的「自強創庫」，合辦《打造21世紀星光新偶像》比賽，June與Jay分別於香港及日本區比賽中勇奪冠軍，J-Twins亦隨之誕生。
Jay出生於日本，離鄉別井到香港工作的她，最感謝好拍檔June與陳自強的照顧，陪伴她經歷多個寂寞時刻。雖然與June文化各異，但未知是否因同齡的關係，兩人一拍即拍，問到如何解決語言不通的問題，June說：「平日我哋用簡單英語溝通，不過真係唔知點解同Jay好夾，好多時連嘢都唔使講，一個眼神就知對方諗咩，我哋都覺得好神奇！」
唱廣東歌喊晒口
談到第一首派台歌，由翻譯員陪伴的Jay透露，曾因廣東話發音而淚灑錄音室：「呢首歌叫《My Dear Friend》，包含廣東話、日文同英文，錄廣東話嘅時候，急住記發音搞到投入唔到，自己難過到喊咗出嚟！」