周秀娜（Chrissie）最近人氣急升，但佢冇因為咁而恃寵生驕，只要認識佢嘅人都知，佢其實係一個十分之易話為嘅人！話說有次小小So同佢去飲嘢，佢因為之後有嘢做，所以要入廁所換衫，點知個廁所傳來一陣惡臭，連小小So都覺得難頂，於是問Chrissie使唔使幫佢搵過第二個似樣啲嘅地方換衫，點知佢即刻用把鵝公喉好豪邁咁話：「唔使啦！搵得嚟都換完，而且都係換衫啫！又唔係喺入面瞓，OKo架！」
除咗易話為之外，Chrissie份人仲好爆笑，有次佢同小小So搭(車立)，唔知係咪驚Dead Air嘅關係，竟然出其不意咁彈咗句無厘頭嘅說話出嚟：「啲牛仔褲咪有粒鈕嘅，我成日因為掛住扣鈕，而唔記得拉褲鏈o架！」咁私人嘅嘢都唔介意同人分享，Chrissie真係圈中難得一見嘅女中豪傑，連向來自誇語不驚人死不休嘅小小So，都要對佢甘拜下風！