「莊思敏師妹」岑穎雯（Katrina）的夢想是做模特兒，中學畢業後雖然家人希望她到澳洲留學，但她卻為理想寫信向模特兒公司自薦「我要做Model」，成功被取錄後投身o靚模行列。
近年Angelababy、Kama、Janice Man為o靚模界殺出一條血路，令適齡少女也為之蠢蠢欲動，現在又有一位生力軍加入—她正是年僅18歲的「莊思敏師妹」Katrina。她曾在街頭被不少「星探」發掘，但因擔心被騙，寧願反客為主，寫信到模特兒公司自薦做模特兒，最後成功被取錄。
在溫室長大的Katrina，自小得到家人寵愛，在國際學校完成中學課程後，家人希望送她到澳洲讀書，她坦言今次是第一次「自把自為」：「屋企人當然反對我做Model，佢哋希望我去外國留學，但係我真係好鍾意做Model，希望屋企人明白我唔係玩玩吓，我係認真嘅，我都大個女，希望事業上唔使屋企人幫，靠自己努力去發展。」
游水Keep Fit
近期o靚模湧現，僧多粥少下機會自然難求，Katrina說：「試鏡都好大壓力，因為每次都好多女仔試鏡，當然失望嘅機會居多啦！但係都會努力，希望有日可以做到師姐莊思敏咁叻。」沙灘、水着、美女與夏天畫上等號，但Katrina覺得香港的海灘水質欠佳，她會選擇去泳池游泳：「如果想去游水都會選擇泳池，每次都會游20個塘做運動Keep Fit。」
Katrina Profile
姓名：岑穎雯（Katrina）
年齡：18歲
三圍：32C、24、35
身高：163cm
入行經過：
寫信到Icon模特兒公司自薦做Model，其後被取錄，憑青春無敵受到廣告商歡迎，拍攝不少平面廣告。