上月中是偉仔及嘉玲結婚1周年，無奈偉仔為新片《一代宗師》練功時受傷，嘉玲又忙於在橫店拍戲，故沒有與親友大事慶祝。適逢嘉玲母親及弟弟最近由外地來港，偉仔與母親日前陪他們往深水灣飯敍，順道慶祝結婚1周年。向來廿四孝的偉仔，不但親自為外母洗塵，還客串「柴可夫」管接管送，十分抵錫！

攙扶長輩顯細心

當日中午12時許，左手骨裂已埋口的偉仔脫掉繃帶，親自駕車接嘉玲及外母等親友抵達深水灣高爾夫球會，一行人下車後即步往會所餐廳，與早已到場的偉媽及Amigo餐廳老闆五叔夫婦等會合，偉仔沿途與外母有傾有講，相處融洽。下午3時許，偉仔攙扶五叔落樓梯離開，再陪伴偉媽左右。護送母親上七人車後，他吩咐嘉玲及外母在停車場附近等他攞車，記者上前拍照，問到是否慶祝結婚周年，她只笑而不語，其後與母親登上偉仔座駕離開。

食飽後，嘉玲一馬當先離開，殿後的偉仔則細心攙扶長輩。	嘉玲與媽咪及弟弟（右一）等候偉仔攞車期間兩頭望。	偉仔帶同媽咪出席飯局，與嘉玲的親友增進感情。

另外，嘉玲前日在助手陪同下到中環逛街，由於偉仔已復工，未有同行，但嘉玲依然心情大靚，上車時還與記者道別。

嘉玲前日在中環Shopping，心情大靚。

早前為新片穿梭中港的嘉玲，戴上黑超遮掩倦容。