早前William到馬來西亞宣傳新碟《戰士》，大讚當地歌迷友善熱情，William除四出搜尋美食外，更抽空到當地的孤兒院探訪，獲小朋友送上沙畫紀念，令他感動不已！前晚William與G.E.M.為歌唱比賽擔任嘉賓，雖然有傳G.E.M.拍戲時睇中William，更公然在後台打情罵俏！

G.E.M.被問到是否以短訊狂追William時，她否認曾Send短訊，但William搞笑說：「你唔好唔認中我喎！我收到好多！」大呼救命的G.E.M.即擺他的緋聞女友Angelababy上枱：「等我改番個A字頭嘅英文名先Send短訊畀你啦！」早前患上聲帶發炎的William表示，日前經針灸後已即時開聲，大讚針灸有效。

與Baby晚飯屬正常社交

昨日William到網上電台宣傳電影《愛出貓》，同場有詩雅及何尚謙等。對於日前被拍到與緋聞女友Baby晚飯，他認為只是正常社交：「因為我揸緊車，架狗仔車突然停喺前面衝上嚟影相，如果畀閃光燈影響我揸車就唔好，真係好危險！」至於會否邀請Baby出席首映，William坦言擔心惹來更多花邊報道，但如Baby想支持亦樂意邀請。