樂基兒（Gaile）、Mandy Lieu及Amanda S.昨日行騷，將於明天生日的Gaile被問到如何慶祝時說：「要開工。（黎明有咩表示？）佢話由我揀，我今年唔想慶祝，想瞓覺休息吓。（黎明話買份禮物畀你？）我唔知，冇咩想要，生日願望係身體健康，每個人都開心。」明天黎明將在廣州開騷，但Gaile因要工作而未能捧場。
對於早前Janice Man（JM）表示會以她這位「老闆娘」為目標，Gaile說：「佢好Sweet，好有潛質，唔使以我做目標，佢可以做得比我更好，多謝佢！」有指JM人氣不如前，Gaile撐她：「我唔覺，佢咁年輕，每個Model都會經歷高低。（傳佢工作時遲到？）可能唔係真嘅。」她又透露早前返美國為好友任伴娘，今次已是她第三次做伴娘。