熊黛林（Lynn）昨日為Mulberry的09秋冬時裝騷任模特兒。對於緋聞男友郭富城最近因拍戲與舒淇傳緋聞，問到是否相信？Lynn說：「冇咩信唔信，我係女仔都鍾意佢（城城）。（你即係鍾意佢啦？）可以鍾意好多人，唔鍾意都唔可以做朋友，不過我冇呷醋。」對於城城早前以四個「冇」字否認緋聞，似有意向她派定心丸？Lynn風騷地說：「咁對個女仔（舒淇）都好，唔會阻住人拍拖或者畀人追。（城城公開戀情對你公平啲？）依家好公平呀！（好朋友咋喎？）依家幾好吖！（城城同你解釋咗？）我唔知，係記者問我先知。」對於有指舒淇在片場對城城很照顧，Lynn大方地說：「舒淇人好，好識照顧人。（照顧嘅責任喺你度？）佢又唔係同我拍。（對城城有信心？）唔係信唔信心嘅問題，做嘢之嘛！」

她又透露正忙於拍攝《葉問2》，因要扮演大肚婆，導致腰骨痛：「好辛苦，件衫好難着，唔可以彎腰，醫生話我腰骨有四個地方歪咗，佢同我扭時啪一聲，好驚！（向城城撒嬌？）唔使，好小事，冇人知我傷咗。」

演戲令人生更豐富

至於舒淇早前接受台灣雜誌訪問，大談對演戲的熱愛，她認為演戲可影響別人，帶來快樂和悲傷，故她會將演戲視作「搜集人生」般的癖好，希望透過演戲令人生變得更完整豐富！她說：「我想做自己，卻不想演舒淇，否則就沒有那麼有趣，我想演的角色是沒有舒淇的影子。」她認為演戲能讓她抒發情緒，尤其演內心戲更會有一種讓人歇斯底里的痛快，感受更可用「悲壯」來形容。