21/08/2009

播放本新聞相關短片

「宿敵」傅穎:希望快啲好番!

Stephy確診豬流感,不少曾跟她合作的藝人均送上祝福,連宿敵傅穎亦不例外,希望Stephy早日康復。

傅穎:都擔心o架!賑災騷嗰日有見佢,仲有喺Salon整頭嗰陣都有見面!(擔心受感染?)除咗我之外,嗰日個騷同埋Salon都有好多人,希望大家都冇事啦!如果真係咁唔好彩有事嘅話,我都希望大家快啲好番!

李曼筠:吓!確診咗咩?首映當晚我都有同佢打招呼,希望佢快啲冇事啦!聽講藥物可以有效控制病情。不過,為咗安全起見,我都會去睇醫生!

A. Lin:雖然我哋喺活動上冇傾過偈,但佢喺活動後台坐我對面,希望佢快啲冇事!我上星期已經發燒,雖然早幾日退咗燒,但依家仲有啲喉嚨痛!

吳京透過金牌大風發言人陳小姐說:當晚佢哋喺《機器俠》首映見面時有傾有講,佢聽到呢個消息好愕然,希望佢快啲好番投入工作!

章霈迎(歌曲監製):呢排有幫Stephy做廣告歌,上個禮拜仲同佢一齊食水果,唔知會唔會交叉感染?當時都覺得佢好攰,我諗我都要去檢查吓!

藍奕邦:雖然我同Stephy早排喺音樂會上合作過,但係我冇事喎!好健康!聽到呢個消息都幾驚訝,希望佢快啲康復,同埋唔好咁多人中招!

梁漢文:我近排好少見到佢,希望佢保重,我都會問候吓佢!呢排都係少啲返公司,哈哈!

陳松伶:雖然我哋曾經一齊表演,但係我唔驚畀佢傳染,希望佢快啲好番!早排我媽咪喺內地突然發燒、感冒兼咳,即時入住最好嘅醫院隔離。

古天樂:我呢幾日都冇見過佢,依家豬流感係普通感冒嘅一種,好快醫得好嘅!

 

 

 

 

邊個港姐最靚?立即投票!
詳情瀏覽on.cc《香港小姐2009》