江若琳雖然外表斯文，但原來是辣妹一名，曾試過跟弟弟大打出手！不過她每晚必要換上卡通睡衣才能入睡，看來仍是大細路一名！
飲食題
問：食唔食得辣嘢？食過最辣係乜嘢？
答：食得超辣！最辣係泰國嘅生青辣椒。
解讀：
江若琳食得超辣，原來是訓練有素：「前排喺泰國拍戲時食生青辣椒，個個食到要含冰，不過我就攞嚟送飯，因為阿爺訓練我食指天椒送飯，無辣不歡！」
童年題
問：細個有冇同過男仔打交？
答：我成日同細佬打交㗎！
解讀：
外表斯文的江若琳，原來小時為「爭嘢」而出拳：「我同細佬成日爭雞軟骨食，最經典一次係爭媽咪食剩嘅麵，我哋隔住道門互踢，結果踢到門都裂開！」
扮靚題
問：用咩方法卸妝？
答：梗係自己代言嘅用品啦！
解讀：
江若琳笑說：「我代言得嘅梗係好嘢，落妝一定要揀適合自己嘅品牌，因為保養皮膚亦要由落妝開始㗎！」
衣着題
問：鍾意着便服、公仔睡衣定性感睡衣瞓覺？
答：一定要着公仔睡衣！性感睡衣就一定唔着！
問：鍾意着邊類內衣？
答：冇特別喜歡！
解讀：
江若琳堅持着卡通睡衣入睡，明顯童心未泯：「着咗會開心啲，就算朋友嚟我屋企，我都會照着，但一定唔着性感睡衣！」