焦媛、高志森同張達明早前喺廣州宣傳舞台劇《容易受傷的女人》，高志森畀內地記者話偏心焦媛！小小So問高志森當時係咪好嬲？點知佢完全唔當係一回事！
高志森：我身經百戰，嗰啲問題點會影響到我？張達明都話我偏心㗎！
小小So：張達明都向你投訴？
高志森：係呀！佢話我偏心佢，因為套劇載譽重演，焦媛加咗兩首歌，張達明就加咗6段棟篤笑，當中包括講酒井法子嘅，張達明咪話我偏心佢囉！
小小So：演出順利嘛？
高志森：順利！香港嗰6場只係熱身，之後去廣州、佛山同珠三角演出，美加賭場都會派人嚟睇，遲吓應該會去美加演出。
小小So：咁咪賺到豬籠入水？
高志森：唔好咁講，最緊要觀眾鍾意，睇得開心啫！