雖然Lavina早前咄咄逼人，但已過檔成為李蘊師妹的劉欣宜轉向歌影發展，力求「升呢」脫o靚名。最近有傳Lavina上周到深圳出席電影活動後往「陪酒」，雖然她已否認，但當日有份到深圳的劉欣宜卻不放過機會，明讚暗踩死敵。

否認低價出騷

劉欣宜說：「我睇番啲相，覺得佢似囉！人哋公司政策我唔知，我啱啱簽咗新公司，公司叫我唔好喺冇經理人情況下出席任何約會！」

問到對方為人，她更寸寸貢地說：「佢好識把握機會，我就差少少喇！冇佢咁識人情世故，但咁做好容易玩出火燒親自己！」她表示當日亦有被問是否願意留低，但因經理人曾忠告不要隨便應約，故推卻對方。

另外，有指她與李蘊當日的出騷價分別只得四千及六千元，劉欣宜堅稱與李蘊的騷價一定比Lavina高：「我個價冇咁低，咁寫我同李蘊絕對有影響囉！好多客戶都問點解個價唔同咗！」