去年二月爆出藝人床照事件，震驚全球！相關人物鍾欣桐（阿嬌）及張栢芝先後現身交代，但BoBo則一直未有公開回應，外界更傳她與男友金紫耀秘密結婚。昨日，BoBo在金紫耀陪同下，以老闆娘身份主持有份投資的水晶專門店Crystal Jam剪綵儀式，吸引半百記者採訪，譚詠麟、陳百祥及琦琦等亦有撐場，場面墟冚！

圓潤不少的BoBo坦言經歷過一段不知所措的時期，幸得到身邊人祝福，令她感到滿足，又說：「依家舖頭好忙，冇多餘時間去諗，暫時嘅心情只對身邊事物有感覺。」對於阿嬌和栢芝先後站出來，她隔空為她們打氣：「希望大家振作向前，唔敢講自己已經做到，努力緊！」問到新店會否找阿嬌做代言人，她表示要與公司商量。至於有傳因事件而押後婚期，BoBo否認：「真係冇講過，大家冇談論過婚期。」她並否認已婚：「絕對冇！依家好忙，暫時未諗。」她承諾有結婚時間表後會通知大家，但不肯透露男友有沒有向她求婚。

譚詠麟拿着BoBo新店內的水晶產品扮鬼扮馬。

何韻詩、傅穎、琦琦及陳百祥齊賀BoBo（左三）做老闆娘。

盡力保護家人

問到男友是否她的最愛時，BoBo公開感激他：「多謝佢嘅支持，畀好多空間、自由我。」對於有指未來奶奶不喜歡她，BoBo藉此道歉：「呢件事對我尊重嘅前輩、家人同埋朋友造成不必要嘅騷擾，我好抱歉，我想保護番佢哋，唔想再回應咁多。」問到會否重返幕前，她即說：「唔會考慮！」而金紫耀全程貼身保護BoBo，當醒獅採青時，有生菜掉在BoBo頭上，他即時幫女友清理。但當記者要求他與BoBo一起受訪時，他即顯得避忌，走入VIP房。

而擔任公關的丁子高，安排了20名保安，並提早通知警方，所以活動期間有警察維持秩序，但因陳百祥遲到，令活動遲開始，故有警察催促提醒。