林峯處男演唱會的CD及DVD反應熱烈，短短日子已賣出三萬多張，達白金銷量。英皇前晚為林峯舉行慶功宴請食花膠扒，霍汶希和樂易玲獻花，吳雨還大讚林峯是英皇繼容祖兒之後，搞得最多慶功的歌手。
問銷量若達三白金（九萬張）會否舉行T-back派對？林峯O嘴不懂回答，身旁的英皇高層笑着幫口：「唔怕，去到8萬幾即截貨。」林峯笑說：「咁我唔驚，即刻應承。（想睇邊個着T-back？）個唱嘉賓謝天華、王祖藍囉！（女仔呢？）未睇過嗰啲……全部都未睇過，唔好再講，愈講愈錯。」他表示已睇中一架百萬元靚車獎勵自己，問是否追女戰車？他說：「從來冇用過呢個功能。」
