方力申與胡軍主演的新片《機器俠》前晚舉行首映，胡軍專程來港兩天宣傳，但電影公司安排小方坐林寶堅尼到場，又向鄧麗欣（Stephy）獻花，結果胡軍臨場冇影，盛傳他對此相當不滿。不過公關以胡軍「唔舒服」及以私人理由缺席首映，其經理人王京花則表示「會議中」，令事件添疑團！
小方成為風頭躉，其父帶來油畫家駱太生依照兒子片內造型繪畫而成的巨型壁畫，方父大讚《機》片好睇：「我個仔9年嚟行行企企都遇到好多伯樂，好似黃栢高、雷頌德同劉鎮偉等。」談到導演找Stephy為女主角孫儷配音，令小方加倍投入感情，小方說：「易投入啲，兩個人喺配音室，點都好過一個人啩！」因《機》片是中國首部科幻電影，其拷貝日內將收藏於中國電影博物館內。
而Stephy表示沒有收花：「我冇攞，因為跌咗落地。」此外，她與余文樂和A.Lin昨日出席活動時透露，一位同事確診豬流感（H1N1甲型流感），擔心遭傳染，又笑言前晚與小方並排而坐睇戲，故有可能已「連累」對方！