今年1月在《勁歌金曲》攞錯獎(火羅)爆娛樂圈的關心妍（Jade），日前又因一張餅卡而「再獻新猷」！最近每次見傳媒都自動波派餅卡的Jade，前日公開表示舊公司bma同事Niki亦主動向她索取餅卡，怎料Niki否認其事！

Niki昨日與bma市場推廣部副總裁陳貝兒及林珊珊出席活動時鄭重地澄清：「我冇問佢攞餅卡……係咪誤會咗呀？」她承認在賑災晚會上與Jade碰面：「除咗Say Hello，我都有恭喜佢！」並再次反問記者：「我點會問佢攞餅卡呀？嗰個Moment做緊嘢o架喎！」

Niki	關心妍在旺角賣旗，吸引不少市民支持。	準新娘關心妍最近頻頻派餅卡，怎料派出個大頭佛！ 資料圖片

樂意出席婚宴

Niki與Jade屢傳不和，如今又各執一詞，問到會否擔心被指不和升級，Niki急忙澄清：「唔好用呢個方向去諗，可能佢記錯咗，始終結婚係開心事。」她更表示如Jade邀請她出席婚宴，她一定會出席：「如果佢請我，而我又有時間嘅，我一定會去，一來係開心事，二來佢係我同事，不過佢請先算啦！總之佢請冇問題，我會去。」問到何時輪到她「上岸」，她笑言十畫未有一撇：「我知好多圈中人結婚生仔，我都戥佢哋開心，但係遇到先啦！」

Niki（左起）、林珊珊及陳貝兒昨日盛裝出席活動。	關心妍（左）與Niki（右圖）日前在賑災晚會上碰面，想不到鬧出派餅卡風波。 資料圖片	放大圖片

不懂即時反應

至於Jade得悉Niki否認索餅卡一事後非常愕然，沉默兩秒才懂反應，更立即推翻早前的說法，並將責任推在傳媒身上：「唔係……我嗰日係話我請佢11月嚟飲，係我欠Niki餅卡至真，相信係當日嘅記者誤會咗我嘅意思。」另外，她昨日與20名歌迷到旺角賣旗，獲一名男歌迷貼身護駕，問到會否擔心被鹹豬手偷襲，她說：「唔擔心，今日唔係假期，唔會好多人，反而擔心有人掟鏹水彈！」她自爆多年前曾因感情問題想過自殺，幸好及時醒覺，現時會與準夫婿分擔喜怒哀樂。