與女友安祖蓮娜祖莉有六名子女的畢彼特，閒時最愛做「湊仔公」，經常被拍到帶子女去街，早前更表示為小朋友而戒掉吸大麻的惡習，好爸爸形象深入民心。但畢佬的新片《希魔撞正殺人狂》導演昆頓塔倫天奴，前日接受電台訪問時，踢爆畢佬未「戒草」，又透露去年到法國游說畢佬拍《希》片時，兩人除狂飲五支紅酒外，畢佬更拿出私伙大麻與他分享，昆頓說：「我問佢有冇煙斗，佢畀個汽水罐我。」

《希》片前日在紐約舉行放映會，昆頓、女主角戴安古格等演員出席撐場，連過氣蒲精蘭茜露漢亦性感現身。

否認客串奸角救亡

而未有到場的畢佬，原來於上周六與女友祖莉，帶同六名子女從美國飛往法國，享受餘下的暑假。兩人選擇於半夜上飛機，成功避過狗仔隊。雖然早前有指佳烈治執導的新片《福爾摩斯》，因電影公司高層看過試片後不滿意，故有意臨時找畢佬加入客串大奸角補戲救亡，但電影公司方面否認消息，指對《福》片非常滿意，只是要補拍部分鏡頭。