人氣天后謝安琪（Kay）雖然近日負面新聞纏身，又話佢婚變兼介入陳奕迅婚姻，不過小小So聽佢每次回應都力撐老公張繼聰，相信佢哋應該過到今次嘅考驗！其實Kay除咗撐老公之外，亦好維護歌迷，有次同Kay講開歌迷成日花心機整禮物畀佢，唔知仲有冇時間讀書時，Kay就力撐到底！
小小So：歌迷讀書有冇整禮物咁勤力o架？
Kay：我啲歌迷好乖o架！讀書都好好！
小小So：係咪o架？
Kay：真o架！好多都考第一！
小小So：佢哋畀成績表你睇？
Kay：唔係，但真o架！之前我頒傑出學生獎，係頒番畀我啲歌迷。
小小So：咁又真係值得讚喎！
Kay對歌迷百般維護，小小So終於明白點解佢啲Fans愈嚟愈多，完全冇受負面新聞影響。