甫出道即被指貌似楊怡的Hidy，最近染了一頭金髮，又佩戴時下潮爆o靚界的「大眼仔」，但她否認刻意扮o靚模：「依家夏天，加上髮型師覺得淺色頭髮襯我多啲，所以先染到咁金！我唔似Angelababy咁Cute，可能我鍾意游水同曬太陽，個樣又生得比真實年齡大，唔出聲就畀人好寸嘅感覺，所以一定唔會係o靚模！」

Hidy透露與Angelababy分屬好友，年幾前已認識對方，最近更有人誤認她是Baby：「以前試過有人認錯我係楊怡，但最近一次出街冇化妝兼戴住頂帽，個售貨員竟然走埋嚟問係咪Angelababy？我咪答：『唔係呀！』然後即走，真係有少少尷尬！」她又表示不會羨慕Baby的事業發展順利：「我識佢嗰時未有咁紅，但佢真係好努力，做得好好！」

冇信心爭廚神

此外，Hidy曾為《南華夢飛翔》試鏡，但她說：「評判要考我哋演戲同跳舞，我有五年舞蹈底，但係演戲要喺好多人面前做，見到其他女仔都做得好好，自己有少少怯場！」而她亦曾參加「美少女廚神」比賽，成績不錯，大有機會進身最後五名入決賽，但她卻沒有信心穩登上「美少女廚神」寶座：「其實我唔識煮嘢食，我為咗個比賽專登學整Pizza，練咗十幾個鐘先成功，依家都有啲驚！」

Profile

姓　　名：余曉彤（Hidy）

出生日期：1988年5月13日

身　　高：170cm

體　　重：50kg

三　　圍：33、24、35

嗜　　好：運動、跳舞、旅遊

演出經驗：獨立電影《愛到發燒》、關智斌《代表作》MV、Nike及adidas廣告