楊怡透露今次於新劇《談情說案》是繼《大唐雙龍傳》後，再與林峯演情侶：「佢近年主要同鍾嘉欣做情侶！再做情侶，覺得佢成熟穩重咗，大家都大個咗，情感多咗好多。（怕唔怕傳緋聞？）我係緋聞絕緣體。」她又笑言其實是同劇的馬國明想與她傳緋聞：「馬國明話想同我傳喎！（人哋有胡定欣！）戲外唔知。（你好定胡定欣好？）TVB出產一定好，佢鍾意胡定欣，咪由佢去。」說罷即拉着馬國明，追問對方覺得她好還是胡定欣好？馬國明即揀楊怡，但楊怡卻說：「佢話我好？你見唔見佢攞個橙 住良心講。」

咀廖碧兒驚陳豪嬲

馬國明死撐沒有 住良心，又自爆媽咪經常讚楊怡好女仔。談到劇中與廖碧兒有不少咀戲，馬國明揚言不用備案：「任咀唔嬲。（驚唔驚胡定欣嬲？）唔驚。（驚陳豪嬲？）反而有啲驚！」

另外，陳豪昨日為咖啡專門店擔任剪綵嘉賓，大爆廖碧兒品嘗過他沖的咖啡後亦讚不錯：「有興趣成立個人品牌開咖啡店。（廖碧兒合資？）會叫，亦都會叫多啲藝人。」他並表示除了投資股票，亦有投資物業，可惜一場金融海嘯，令他在股票市場損失一百萬元。