鍾蕙芝（Lavina）再惹是非，被傳北上援交，更有一名自稱是模特兒公司老闆的Bowie（中間人）指她匿埋房間近20分鐘，惹人聯想。Lavina昨午三時許與經理人Admond到澳門工作時，直言懷疑被設局陷害：「成件事好無聊，完全係佢哋自己作古仔，根本嗰個Bowie好有問題，我喺車度已經聽其他Model話佢拖糧，仲話下次唔會接佢啲Job。」
Lavina透露Bowie曾叫她陪同場的男士飲酒，但自己即時拒絕：「佢哋話Rainbow年紀細唔使去慶功。我一去到已經覺得環境好唔舒服，Bowie叫過我坐埋去個男人身邊，但我唔肯，話會影響我形象，然後就即刻打電話畀經理人叫佢哋快啲畀我走。」Admond亦相信Lavina沒有私下派卡片，揚言再被誣衊的話，不排除採取法律行動。