今屆港姐競選將於本月22日舉行，張智霖、黃宗澤及曹格等任表演嘉賓。昨日評判之一的李嘉欣與十位師妹合照，美貌依舊的嘉欣「鶴立雞群」，現場有人說：「你再選都贏呀！」嘉欣即甜笑。

李嘉欣（中）影合照時，被讚美貌更勝今屆候選佳麗。

任達華與(9)袁嘉敏（左）及(7)鍾溥敏特別好傾。

對於佳麗屢遭批評，嘉欣說：「唔係吖！佢哋愈嚟愈靚。（心水？）唔講得，除咗美麗嘅外表之外，性格都好緊要，依家啲報道係苛刻咗啲，應該畀時間發掘佢哋最靚嘅一面。（之前評閱港姐資料時『嘴藐藐』？）我當時睇緊嘅係公司文件，純粹係自己嘅工作安排。」對於「翻版許愿」林潔瑜屢被嘲諷，卻在網上人氣高企，嘉欣說：「我唔會受呢啲新聞影響！（知唔知有個佳麗係吳君如提名？）知！不過邊個提名，待遇都應該一樣。」而大會統籌經理陳家揚表示，已落實由朱玲玲負責為冠軍加冕，但不打算邀請去屆冠軍張舒雅出席。

曹格將與一班《超級巨聲》參賽者表演。

「翻版許愿」(2)林潔瑜（左）最近在網上爆紅！

黃宗澤避談戀情

黃宗澤早前被拍得與胡杏兒同遊日本，問到開不開心？他說：「OK啦！有其他人o架！」對於有指他跟梁靖琪撻着，問到是否箍煲之旅？他笑說：「係Shopping之旅。（承認關係？）好朋友囉！」另外，07年《全英一叮》亞軍「小康妮」Connie Talbot今日抵港，將於港姐決賽與張智霖合唱《Over the Rainbow》。