謝安琪（Kay）前晚出席賑災晚會時，有指被唱片公司阻止太接近陳奕迅（Eason），更嚴禁她接受訪問，令她不快落淚！環球唱片公司助理總經理何先生說：「我見唔到Kay喊，不過最近佢有咁多負面新聞，畀着我都唔開心！」他更否認阻止Kay接近Eason，問到是否將有合作？他說：「公司咁多人，梗會有合作！（阻止來往？）梗係冇！朋友傾吓電話都得啩？（阻受訪？）冇人唔畀人接受訪問！」至於Kay的經理人夏森美則說：「覺得佢心情冇異樣！嚟緊佢哋會喺慈善上有合作！」隨後與Kay助手了解後，夏森美承認Kay有眼濕濕，因為看到水災片段與嘉賓感人說話，令感性的Kay眼紅紅，另外，有指張繼聰留待Kay離開場地才出現，避免三人同場尷尬。