昨日「八模兵團」成員陳嘉寶（Anjaylia）、蔡頌恩（Evelyn）及安志杰出席《The Swatch Artist Collection》活動，對於大師姐周秀娜（Chrissie）被日籍女模椋名凜批評似AV女優，Anjaylia為她抱不平：「我覺得Chrissie又靚又大方、前衞高貴！唔似AV女優！」問到Chrissie早前被狂迷用粗口侮辱是否因言行出位？她說：「呢個世界乜人都有，任何人都會遇到呢啲事，Chrissie都係有嗰句講嗰句！」而網民最欣賞她、Angelababy及Chrissie的性感照，Anjaylia強調並非走性感路線。至於同場的Evelyn例牌否認與樂隊Mr.成員Tom的緋聞，她強調只是喜歡對方的音樂，並堅稱與Tom只是朋友，但又表示公司支持她拍拖。
此外，對於日前與女友謝婷婷大方拖手？安志杰尷尬地說：「我哋去Shopping，我買嘢畀佢！」問到會否覺得受女友帶挈而增加工作量？他說：「唔知道！公司安排，不過佢真係好有才華！（有咩吸引你？）人品！（身材呢？）大家都知道佢身材很棒！」當記者取笑他最清楚婷婷的身材時，他只懂尷尬傻笑。再問他何時求婚時？他笑說：「慢慢嚟！要儲多啲錢先！」