昔日經常以孖公仔姿態示人的Angelababy及Janice Man，近年關係愈見疏遠，雖然Baby進軍日本，JM亦有黎明撐腰做「模Art」，但昔日好姊妹近日正面交鋒，在《I.T 21拍》短片比賽中拍片爭獎金，有指二人為21萬獎金爭崩頭，賽果未揭曉已互鬥點擊率，截至昨晚為止，Baby有2,451次點擊率，稍勝JM的2,216次，先拔頭籌！
望自我增值
雖然JM搶不到頭彩，但她出席《The Swatch Artist Collection》活動時揚言，目前專心工作，努力自我增值，不過她擺明與Baby的友情「降呢」，對於與Baby拍短片爭獎金，她淡然地說：「公司一早安排拍呢條片，我都係今日先知原來有獎金！」問到Baby是否競爭對手？她不屑說：「同行咁多人，唔通個個都係敵人咩，顧掂自己先！」明顯疏離。期間她大讚老闆娘樂基兒是出色前輩：「我會學習佢嘅成就！」
對於Baby及周秀娜有份到日本行騷，JM直言暫不打算到日本發展：「因為公司想我做好依家啲工作先，好似拍戲咁！（酸溜溜？）唔會，會戥朋友開心！每個人發展路向唔同，有機會自己會珍惜！（你停工咁耐，事業不及Baby？）我控制唔到！大家都喺唔同階段，我的確休息咗一排，但休息完反而覺得精神仲好，我都希望喺唔同方面增值！（之前有人向周秀娜爆粗？）吓！係呀？希望我唔會遇到，唔好有呢個經歷！（會唔會覺得佢太性感所致？）咁我又唔知喎！」
轉黐日本模
不過，Baby亦不愁缺朋友，她於日本時孖實當地名模Liz。在日本發展理想的她，早前到日本擔任時裝品牌Rich時裝騷的特別嘉賓，與日本名模Liz合照，狀甚老友。稍後會與周秀娜將出席《Tokyo Girls Collection》大型時裝騷，Baby對此說：「同台實有機會，大家加油！東京每年有好多大型時裝Show，呢個係其中一個。」據知，Baby今次將為時裝品牌Marc by Marc Jacobs及Kitson擔任模特兒，她開心地說：「第一次行呢個日本Show，完全唔需要試鏡。」據知因她早前在日本工作表現佳而受賞識，故不用試鏡。
文詠珊（Janice Man）
年 齡 ：20歲
三 圍 ：32、23、34.5
身 高 ：168cm
學 歷 ：中五
威水史 ：今年高價簽約黎明旗下，除了被老闆封為「模Art」外，又獲日本人氣名模渡邊知夏子大讚漂亮。
楊穎（Angelababy）
年 齡 ：20歲
三 圍 ：32A、23、34
身 高 ：168cm
學 歷 ：中六
威水史 ：繼早前成為日本雜誌《Ray》御用模特兒後，更簽約成為日本avex旗下藝人，成功進軍日本。