坊間指患有鼻敏感的人不適合養寵物，因為動物毛髮令病情更嚴重，不過患有嚴重鼻敏感的戴夢夢一於少理，飼養松鼠狗BB接近1年：「我真係好鍾意狗！同佢哋一齊會好開心，喺照顧佢哋嘅時候，又會有種被倚賴同被需要嘅感覺！我相信做好啲清潔會冇問題，事實證明我嘅病情冇受影響。」
夢夢笑言BB出生在富貴家庭，應該帶來不少幸運：「BB係我老闆林建名送嘅，佢屋企隻大狗生咗十幾個小朋友，見我咁鍾意咪送咗BB畀我囉！可能BB生長喺大家庭，細個要同好多兄弟姐妹爭食，初初嚟到我屋企有啲怕醜，唔係太敢行路，經過一段時間先適應到！」她笑言BB很識嗲人，氹得她全家很開心：「好多人話佢動靜似足嬰兒，所以改咗名叫BB囉！」
