依家o靚模湧現，無論年輕女仔或性感拋胸女，好多時都會被稱為o靚模，就連有「日版Paris Hilton」之稱嘅椋名凜（Rin），之前喺書展同動漫節中，啲人亦成日將佢同o靚模比較。有次小小So同Rin嘅經理人王友良食飯，傾開Rin，佢都覺得Rin唔應該同啲模相提並論，話晒無論年紀或路線都唔同。
因此，王友良決定嚟個大改革，因為Rin嚟緊會向好多方面發展，佢話：「Rin其實好受啲公司歡迎，有時啲公司開聯歡會，會搵Rin去抽獎表演，所以佢好多呢類型嘅Job做。Rin亦好鍾意香港，同埋嚟緊又會唱歌，依家佢就好勤力咁練緊首筷子姊妹花嘅『I Love Hong Kong』，想表達畀人知佢真係好鍾意香港。」小小So即時好有興趣想知邊個係Rin嘅Partner，話晒筷子姊妹花係兩個人，點知王友良話冇Partner，Rin一個就搞掂。