江若琳、余毛、張繼聰及型男組合Square昨日到大埔超級城，宣傳長者保護聽覺之道。Elanne與余毛即場演短劇，飾演「孫女」及「撞聾嫲嫲」，講解長者弱聽問題，Elanne表示跟前輩余毛合作很高興，更為對方改了一個o靚模花名：「我細個就已經睇佢，估唔到有機會合作，我哋幫佢改咗個名叫『Yumolinababy』添！」

江若琳（右）為余慕蓮改花名，感情要好。

Square四子現身宣傳護耳資訊。

Elanne指好友楊丞琳正在台南拍劇，因此得悉台南發生水災後，即致電對方問候：「不過佢冇開電話，我真係好驚佢有事，咪狂Send SMS叫佢覆我，因為佢真係喺嗰度拍劇，不過好彩冇事。」她表示會出席今日舉行的《8.8水災關愛行動》，並集合Fans以歌迷會名義捐款：「希望今年有五位數啦！」

張繼聰被跟嬲爆

至於張繼聰再被雜誌稱為「廢柴抑鬱老公」，他直言被追訪時深感憤怒：「我已經好禮貌叫佢喺對面街影，但係個狗仔用閃光燈好近咁影我同個仔，閃光燈對小朋友隻眼同腦都唔好，態度仲幾唔友善，搞到我嬲咗成晚！」他又斥該報道趁機抽水，沒有創意，但不會因此減少與兒子外出：「唔出街又話我龜縮！（話謝安琪搶阿Sa片約？）睇到佢係咩居心，好無聊，儘管寫，佢哋唔會成功！」