洪卓立（Ken）、詩雅與陳家樂昨日出席英皇電影《很想和你在一起》的宣傳活動，Ken還即席獻唱主題曲。由於片中不乏親熱鏡頭，所以三人於活動上即席表演借位接吻，Ken更作狀強吻家樂，令Fans尖叫不斷。

放大圖片	洪卓立與詩雅對調，令女Fans（右）非常失望。

對新片有信心

其後，三人與Fans玩擲骰遊戲，勝出者可與偶像拖手、錫額頭及搭膊頭等。大會原先安排詩雅與男Fans一組，但為免尷尬，最後將該名男Fans與Ken的女Fans對調，該女名Fans相當失落，遊戲期間全程嘴扁扁！雖然詩雅不斷安撫，但該女Fans只以苦笑回應。

事後，詩雅被取笑「拆散鴛鴦」，她即大呼冤枉：「真係唔關我事！係個司儀調咋！見到女Fans咁樣都已經叫佢唔好唔開心，但佢好似唔鍾意我咁！」對於女Fans一臉失落，Ken亦感無奈，還透露非首次與Fans近距離接觸，曾試過於唱片抱抱會上被瘋狂女Fans趁機奪吻：「好在都係女仔，如果男仔就有啲尷尬！其實今次對部戲都有信心，因為係唯一一部偶像愛情電影，希望可以吸引觀眾入場，話唔定我哋會約埋一齊喬裝入場睇反應添！」