許志安、張衞健、蘇永康及梁漢文（Edmond）前晚在音樂會上大玩互爆棟篤笑，安仔自言台灣有棒棒堂，他們可叫「啫啫雞」，健仔即反對笑言寧退出都不要做雞，健仔提議現今o靚模最熱，他們應叫「中模」，夠膽的話將T-back着前面來影寫真。康仔又笑健仔：「我怕遮唔晒喎！你就OK嘅！」健仔即說：「我冇諗過遮，因為T-back裏面我會着長褲，超人都係咁啦！」
四人又玩互爆笑康仔愛買靚衫，安仔說：「人醜要買衫戥番勻！」又說：「豬八戒都要着衫嘅。」但安仔同樣被三子嘲笑人如其名，性格膽小如鼠，更被健仔拿出假曱甴整蠱，嚇得安仔彈起！Edmond則被取笑醉酒後最叻扮花及聞垃圾。光頭健仔慘被配上八両金及貞子的髮型，大搞合成照爆笑全場！