前晚一連兩場的《Summer Pop Live in HK》在亞洲博覽館舉行，四十多位歌手參與，包括容祖兒、黎明、衞蘭、光良、草蜢、泳兒、何韻詩、黃貫中、許志安、張衞健、梁漢文、蘇永康及剛痛失兩位親人的張惠妹等。祖兒將演唱會中的勁舞串燒快歌環節搬到博覽館台上，與十多名舞蹈員一口氣大唱大跳半小時，期間見祖兒兩度做出撫胸動作。

放大圖片

放大圖片

按到實自誇Sexy

一輪勁歌熱舞的祖兒滿頭大汗，要返回後台抹汗補妝才接受訪問，記者未開口，祖兒即說：「差啲飛Bra，好彩即用手㩒住。」她更笑說：「係咪好Sexy呢？自摸，如果唔講真係唔知飛Bra，嗰刻都幾驚。」祖兒坦言如果大出洋相會即時執生：「會飛落台送畀大家，如果今日個Bra靚啲都敢。」

泳兒扭動蛇腰表演，舞姿誘人。

陳偉霆演繹高難度動作，大騷舞技。

自認穩陣唔烏龍

祖兒透露入行時亦發生同類事件：「個Bra突然跌落腰，好彩件衫最底有條橡筋箍住。（飛釘？）邊有釘飛？只係小沙塵。」記者取笑她經常發生「烏龍」事，祖兒說：「唔算烏龍，我都算穩陣型，只係流汗產生呢啲事情，曾經有諗過以後唔戴Bra。（吓？）咁會貼乳貼。」

黎明大唱金曲，HotCha則唱快歌跳熱舞，同樣賣力演出。	HotCha	SoSo姐金句：天后飛Bra勁失魂，唔似夢露吹起裙。