Kama行藥房貨比三家

經常往日本工作的羅凱珊（Kama），一有空閒便到原宿附近的藥房逛逛，搜羅化妝品、護膚品及新奇玩意，加上店舖於深夜11時才關門，非常方便，她說：「我喺藥房發現好多得意嘅化妝品，其中假眼睫毛喺日本最多款式，同埋效果好自然，唔似其他咁假同拮眼。仲有一盒保濕霜，上妝前使用會特別貼，而且用咗好有光澤，成塊面會閃令令！」

向來慳家的她，更有不少慳錢小Tips，她說：「雖然日本多藥房，但原來同一個牌子、同一樣產品嘅價錢，喺每間都唔一樣，有啲仲爭三、四十蚊，如果有時間嘅話，記住格吓價先買呀！」