唐詩詠（Natalie）的母親早前逝世，一班Fans在她生日那天送上一個2磅重的杧果蛋糕氹她開心，她說：「我叫咗班Fans要低調啲，所以佢哋趁我做完活動，約埋十個Fans喺酒樓門口等我，攞住我最鍾意食嘅杧果蛋糕出嚟，好有心思。」但最令Natalie開心的是，看到Fans在考試中取到好成績，她說：「我叫咗佢哋唔好花錢買禮物，反而有幾個女仔讀書成績好好，其中一個仲入到大學，聽到已經好開心！」

壽星女唐詩詠收到不少禮物，令她喜上眉梢。

唐詩詠（左四）首次做伴娘，笑言出席婚宴令她有結婚衝動。

做完伴娘恨嫁

其後，Natalie再相約幾位好朋友到跑馬地的Amigo餐廳食飯，被取笑與男友崔建邦（Amigo）的英文名一樣，似乎特別有緣，她笑說：「咁啱啫！因為我鍾意嗰間餐廳嘅拿破崙蛋糕超好味，當晚只係同三個朋友一齊食餐飯，開咗支酒，據我所知埋單都要幾千蚊。（男友喺唔喺度？）唔講呢啲，但我收到一條好靚嘅頸鏈同銀包，樣樣都好鍾意。」

唐詩詠最愛食這款拿破崙蛋糕。

唐詩詠與Amigo特別有緣，連生日都揀與男友英文名相同的餐廳食飯。

除了生日令她難忘外，今年更第一次做伴娘，她興奮地說：「嗰位係我中學同學，成班朋友之中佢第一個結婚，大家都好戥佢開心。」Natalie坦言每次出席婚宴都有衝動結婚：「呢種感覺只會維持一日，通常第二日就唔記得。」