今年獲環球力捧的新人Keeva，除了愛唱歌外，小時候最愛的活動是溜冰。在加拿大長大的她，早於12、3歲開始學溜冰，曾瘋狂得經常與同學仔放學後飛奔到溜冰場：「雖然當年熱情好快冷卻咗，不過我依家好想玩番，覺得溜冰啲動作好優雅同高貴！」再次穿上溜冰鞋的她，顯得步步為營：「我呢排都有惡補，不過都係好怯，唔明點解細個唔驚跌，依家反而好驚，可能細個唔怕瘀！」在導師Mike指導下，她才放膽擺出美妙姿勢。

麥家瑜不慎跣低，認真慘情。

麥家瑜在導師Mike指導下，重拾溜冰技巧。

恨做冰上歌后

再踏溜冰鞋，令Keeva憶起當年與男同學拖手溜冰：「通常男同學比較叻，可能佢哋要面兼唔怕跌！老師都會叫佢哋拖住女仔一齊溜，雖然係第一次有男仔拖住，不過我唔會當嗰啲係第一次拖手仔㗎！」眼見舊同學苦練溜冰多年後懂得玩花式，令她重燃對溜冰的興趣：「希望下次邊溜冰邊唱歌！」