胡杏兒與黃宗澤（Bosco）被拍得同遊沖繩，廖碧兒昨日出席活動時直言沖繩是她介紹的：「之前我去過沖繩拍特輯，覺得當地好靚！（帶陳豪去多次？）唔去啦！等徐子珊返嚟，問吓佢非洲點，過去搵泰山！（陳生呢？）唔搵啦！（心目中嘅泰山係點？）高過我、大隻過我同事事照顧我！」當記者指與陳豪完全脗合時，她即尷尬否認並藉詞離開。
至於正在橫店拍劇的杏兒，透過助手承認與Bosco遊沖繩：「因為之前劇組有演員請假，原本諗住去上海玩幾日，咁啱Bosco同朋友打算去沖繩，杏兒又未去過，咪一齊去囉！（杏兒同Bosco咩關係？）朋友囉！」
