前晚穿上新波鞋接受電台訪問的William，透露新鞋乃同事所送，作用是觀察他有否偷懶：「對鞋有個計步器，睇到行咗幾多步，最主要係睇我有冇練舞，我目標係要跳爛對鞋！」他坦言家中有逾百對波鞋，全是廣告商贊助，問到緋聞女友Angelababy是否「鞋精」？他說：「佢都係！不過唔同我，佢係要買！」

對於被指與Baby同居，William連忙否認：「我同阿媽一齊住！我瞓單人床，只容許隻狗上我張床！」記者取笑Baby在他心目中連狗都不如時，知衰的他即苦笑，並大讚記者有諗頭：「好勁！今次我輸！（冇同佢同床？）冇！我尊重人哋。」他並透露新碟已達金唱片銷量：「希望再好啲，應該會搞慶功宴！」

細菌入喉

另外，William、廖碧兒、HotCha及葉文輝等昨日以得獎嘉賓身份出席《動畫金曲音樂會》之《2009十大兒歌金曲頒獎禮》。患病多日的William表示細菌入喉，擔心影響演出的他，原本計劃打開聲針，但被師姐阿Sa勸止。問到Baby可有悉心照顧？他說：「佢近期唔喺香港，大部分時間留喺日本，呢星期都冇聯絡，除咗公司同事外，都冇人知我病！」