昨日，Chrissie身穿斜膊T恤、熱褲與紅色高踭鞋現身旺角某商場，吸引一大班電車男撐場，場面墟冚。Chrissie更與觀眾大玩遊戲，活動後Chrissie應記者要求上台影相，此時一名身穿黑色T恤的男人在人群中叫囂，不停用不雅字語來大讚Chrissie：「你XX好X靚、你XX好X大！」由於字眼猥瑣露骨，造成滋擾，商場工作人員最後報警求助，警察到場後，該名男子不但不畏懼，反之態度囂張與警察理論，事件隨Chrissie離開而告一段落。

狂迷突然爆粗叫囂，嚇得周秀娜尷尬嘟嘴。	放大圖片	見慣大場面的周秀娜，遇狂迷後仍鎮定擺甫士拍照。

否認「性幻想」言論惹禍

事後，Chrissie表示首次遇到尷尬事，但仍聲稱聽不到「X」，只聽到對方大讚其「靴」好靚：「我聽唔到，我只係聽到佢話我對靴好靚，其實我今日冇着靴，我鍾意着高跟鞋！呢個世界有唔同人，佢可能精神有問題，我唔建議佢出街！」問到Fans會否受她的「誘發性幻想」言論影響，她表示每個女仔都有自己的特質，而每個男仔亦會有夢中情人，可能當初詞不達意：「我意思係好開心成為佢哋嘅夢中情人，之前講唔清楚，唔好意思！（言論過火？）都過咗去！以後會講清楚同唔好咁多懶音。」

問到有否聽清楚男子以粗口大讚她時，她死撐聽不清楚：「只係聽到Fans嗌我，雖然第一次遇到，但我處理到，只驚係青蛙類嘅嘢！（可能佢想成為青蛙撲向你？）咁樣我都控制唔到！（少去鬧市？）我不嬲少去旺角，總之我唔會特別避忌！」

不構成性騷擾罪

謝偉俊律師認為在公眾場合以粗言騷擾可被控以「擾亂公安」的刑事罪行：「只要在場有任何人士因為佢嘅行為感到不安，警方就可以告佢。（告性騷擾？）唔得，口頭粗言騷擾唔構成性騷擾呢個民事罪行，一般要係指定關係，如僱主僱員或者師生之間發生一定行為先構成性騷擾罪。」