小小So有次去酒吧活動,咁啱黃榕喺度,睇住現場班女仔鬼咁性感跳鋼管舞,難怪o靚模都拋胸橫行,期間黃榕仲為「E Cup Baby」劉欣宜平反!
小小So:覺唔覺得o靚模風氣太氾濫?
黃 榕:都係!太濫喇!
小小So:E Cup Baby係o靚模,唔撐佢?
黃 榕:唔係,舊一代行性感,露少少已好注目,依家除太多冇咁突出。應該要學多啲嘢自我增值,唔好淨係賣肉。
小小So:有o靚模話E Cup Baby係狐仙?
黃 榕:唔明點解咁講,我聞唔到。
小小So:係咪噴咗香水聞唔到咋?
黃 榕:成日出街一定聞到,可能依家啲o靚模新聞太多。
小小So:會製造是非上位?有冇畀o靚模搶飯碗?
黃 榕:唔可以咁講,新聞出到嚟,係真係假大家有眼睇,都知咩事。都有影響飯碗,但我學跳舞好開心,努力增值。
小小So:有冇同陳冠希聯絡?關心佢?
黃 榕:成年冇聯絡喇!同佢家姐就有,話晒係朋友。