最近憑美心天使蛋糕廣告而人氣急升的陳詩雅（Sarah），在一班爭脫爭露的o靚模堆中，她憑甜美的笑容、水汪汪的眼睛，清新得更易討人歡喜！難怪她入行短短兩年，已拍過不少電視廣告，講到美心廣告，她說：「個廣告有平面同埋電視兩個範疇，令人印象更深刻，好開心！個廣告喺台灣拍，要喺一日之內拍晒兩樣嘢，當唔使拍TVC時，一有空檔就拍平面，完全冇休息時間！雖然辛苦，不過做到自己鍾意嘅事，辛苦都值得！」至於在麥當勞的新廣告中，飾演小情侶的Sarah亦令人印象深刻。

今年是Sarah的豐收年，頭半年已拍過麥當勞、美心、恒生銀行、雀巢甜筒等廣告，相當幸運！她笑說：「可能我有觀眾緣啦！其實我每次去試鏡都係平常心，就算唔中都唔會耿耿於懷！（試鏡被選中率有幾高？）我諗有一半會中。」

雀巢甜筒廣告

美心天使蛋糕廣告

難忘拍麥記廣告

Sarah表示最難忘拍麥當勞廣告，因為在拍攝當日才收到通知獲選，幸好公司早已預留檔期：「呢個廣告只係拍咗3個鐘，不過效果好理想，我都好滿意！」

欣賞師姐Angelababy

Sarah是熊黛林及Angelababy的師妹，最希望可以行名牌時裝騷，但由於高度所限，所以多數以廣告為主，但有機會也想向娛樂圈發展：「都有人搵過我拍戲，不過覺時機未成熟，想真係搵到適合先拍！」她十分羨慕Angelababy的發展，希望步她後塵闖日：「希望喺香港做好先，再諗其他地方發展！」

Profile

姓名 ：陳詩雅（Sarah）

出生地 ：香港

年齡 ：21歲

身高 ：5呎7吋

三圍 ：32、23.5、33.5

曾拍攝廣告：美心、恒生、雀巢甜筒、麥當勞、Sony Cybershot T2、Visa、白蘭氏及利賓納等。