惹火o靚模周秀娜（Chrissie）前晚擔任在夜店舉行的《Lady GaGa模仿大賽》頒獎嘉賓，同場還有名模Lisa S.任司儀。Chrissie甫到場，台下一班男士即吶喊叫囂，為免狂迷有機可乘，大會特別聘請兩名保安在旁護駕。

放大圖片	擔任主持的Lisa S.（右）看到一班參賽者的鬼馬造型，忍不住笑出來。	雖然周秀娜打扮較密實，但仍獲全場男士歡迎。

問到平日會否到夜場消遣？Chrissie說：「以前就多啲，依家就少喇！有時間都喺屋企瞓覺。（擔心安全？）唔擔心，其實我好少嚟呢啲地方，好似上次生日會都係包場慶祝，咁樣唔會有其他閒雜人，唔使怕朋友被騷擾。」問到經常打扮性感出席活動，可有試過被博懵？Chrissie笑說：「冇試過！次次去親夜場，朋友都會包圍住我，但走嘅時候難免會有啲碰撞，但相信嗰啲人唔係有心嘅！」

有興趣學演戲

書展與動漫節已結束，問到日後的工作安排如何？Chrissie說：「依家拍緊電影《死神傻了》，同謝安琪合作， 但發覺對演戲愈來愈有興趣，之前仲有跟老師學演戲，不過個課程已經完咗，遲啲如果再開班都會繼續學。」