前晚舉行的《Beauty Tech 09秋冬化妝及人體彩繪匯演》，邀請官恩娜（Ella）、o靚模鍾蕙芝、林莉及盧巧音等擔任嘉賓。Ella以一襲黑白色的低胸Tube Dress現身，加上左肩畫上一隻蠍子彩繪，甚為搶鏡，她說：「呢個係『蠍子公主』造型，件衫就係設計系學生設計嘅。」提到近日娛樂圈相繼傳出婚訊，如徐淑敏（Suki）及關心妍等，問她可有羨慕，Ella說：「恭喜晒佢哋！我戥佢哋開心，Suki個樣都似嫁得好。（你個樣似咩？）我睇自己有排捱，不過我鍾意工作，如果做少奶奶我會發狂！」

轟援交失尊嚴

至於風騷的Lavina不讓Ella專美，同以Tube Dress示人的她，效果更為逼爆。對於同為o靚模的尹蓁晞（Yumi）被指援交，Lavina說：「唔知內情唔評論，不過香港都有少女係咁，我絕對唔鼓勵，一失足成千古恨，後果畀想像中更大！（o靚模出寫真都敗壞風氣？）差好遠，唔可以相提並論，援交冇尊嚴，有人打過去公司約我食飯都推晒。」