應屆「國際中華小姐」冠軍苟芸慧，自小受媽咪影響，很少機會接觸零食，只有心情低落時才會吃甜食或零食，最鍾意就是糖及朱古力，以解不快心情。她說：「媽咪嘅飲食習慣好健康，唔畀我食零食，由細到大都要飲熱水，不過我唔開心嘅時候都會偷食零食，最鍾意食甜嘢，會令人冇咁唔開心。（有冇畀媽咪捉到你偷食？）當然有，仲捉住我講咗三個鐘頭道理。」
問苟芸慧平「口痕」會吃甚麼？她表示自小媽咪每日會「配給」她八粒腰果或核桃：「通常我哋都會食腰果或者核桃代替零食，但媽咪話一日最多食八粒。」現時隻身留港，問她有否乘機多吃零食？她即說：「唔會，因為唔想媽咪擔心，總之會繼續堅持媽咪嘅飲食習慣。」
