有翻版大S及熊黛林混合體稱號的詩雅，去年正式加入英皇，出道短短一年已獲賞識「升呢」成為電影女主角，與緋聞男友洪卓立、陳家樂演出電影《很想和你在一起》，以浪漫愛情故事感動Fans，雖然今時今日o靚模「紅過」藝人，當年亦是模特兒出身的詩雅直言當時的工作並非自己那杯茶。

初出道時詩雅亦曾拍過水着相，以健康活力為主。 資料圖片	《很想和你在一起》劇照	詩雅指當年兼職做模特兒時，不用如現時的模般一味「賣肉」博出位。

成功轉型成為電影新星的詩雅，眼見一眾o靚模氣勢強勁，她強調當年自己只是兼職模特兒，並說：「依家比較辛苦，吓吓要着比堅尼，唔露就唔使旨意做，都幾慘！如果依家要我成日着住比堅尼影相，我一定唔會。」

「喊晒成世嘅眼淚」

詩雅16歲已為不少品牌拍廣告，如今走上大銀幕，還當上女主角，自覺幸運，更直言開心到喊。「好開心公司畀機會我，初時收到劇本真係好感動，但又擔心應付唔嚟，因為個角色幾大發揮，我幾乎日日都要喊，但係我本身性格好樂天，拍戲就真係投入咗，嗰段時間心情好低落，成日收工一個人困喺間房，我估呢套戲已經喊晒我成世人嘅眼淚。」

據電影公司公關透露，早前安排多位影評人及導演率先欣賞《很》片，有女導演看後感動到喊。叫詩雅自己評分，她直言仍有進步空間：「我覺得自己有好多可改善嘅地方，仲未合格，唔係要求高，而係我覺得人生係要不斷進步，何況我仲係初哥，或者等我人生閱歷再豐富啲會更加好，依家我已經愛上咗拍戲。」

後記：放棄Sell鑽高薪

年紀輕輕的詩雅原來有不少工作經驗，除了兼職模特兒，她18歲時找到一份收入理想的工作，正是鑽石Sales，如今拍戲捱更抵夜，詩雅認為再辛苦也值得：「我對呢行好有興趣，所以唔會放棄，屋企人唔擔心，因為佢哋知我樂在其中，唯一擔心係我冇湯水飲。」