祖兒新歌《祖國兒女》獲英皇唱片公司豪花逾百萬元製作及拍攝MV，對Joey的重視程度可見一斑，除找來金培達作曲外，更邀得電視台導演郎昆擔任指導。而Joey亦不敢鬆懈，以最佳狀態演出。

Joey站在長城圍牆上，強裝鎮定。

容祖兒一大清早便開始拍攝，在晨光初現一刻感受長城的美。

吹到右搖右擺

Joey當日穿上六吋高跟鞋站在長城圍牆上高歌，期間不時刮起大風，吹到Joey左搖右擺，十分驚險！鏡頭前強裝鎮定的她，當導演嗌Cut後，即以九秒九速度返回地面，並大喊：「嚇死我呀！好彩一Take過，腳都震埋。」

導演找來逾二百名北京學生拍攝，Joey笑說：「都係第一次同咁多年輕人合作，當初都驚咁多人難控制，估唔到佢哋好合作，真係訓練有素。」她透露稍後會在港取景，表達中、港兩地和諧共融的訊息。