伍詠薇、陳法拉、李司棋及鍾景輝昨日為新劇《有營煮婦》到灣仔拍宣傳片，伍姑娘自爆拍畢劇集後曾懷疑因工作壓力患情緒病：「拍完諗住去日本放鬆，點知返到香港左邊頸同左手麻痹晒，睇咗醫生都唔得。」當時她獲介紹精神科醫生，但擔心被狗仔隊偷拍，故一直不敢求醫。可幸最終找出病因：「原來係因為香港濕氣重，做咗個幾月拔罐、火罐、推拿先好番。」
另外，有指黃秋生日前出席首映時，因不滿冇位坐而嬲爆離場。當晚同場的陳法拉坦承此事，但仍力撐無綫：「好亂我唔覺，可能當晚冇劃位，觀眾入咗去先，藝人做完訪問入到去就冇晒位。」而早前她與李思捷到多倫多登台，並即席大晒舞技及唱功。
