最近有傳何韻詩是Eason與Kay緋聞的放料人，甚至有說Kay助手在《國語力頒獎禮》出現，指Kay偷偷找Eason。剛從台灣錄音返港的Eason昨日出席《星光熠熠耀保良》活動時表示，相信何韻詩不是放料的人，起初他亦不想多說，及後終忍不住：「係好無聊嘅新聞！啲人嘅智商、邏輯去晒邊？唔好講笑，好低能！不過我唔Care，唔係一件值得思考嘅事。」

至於Kay老公張繼聰被踩，Eason認為有侮辱性，若自己被鬧，則以「哈哈哈哈哈」五笑置之。他又承認見到Kay時會有些少尷尬，尤其是被要求合照，他自言心態必然是「做乜益你整多單新聞」，但若不合照，又會被大做文章，他笑說：「咪當幫Kay宣傳DVD囉！我下個月出碟，到時至合照做宣傳啦！」對於新國語專輯已有新歌Demo在網上流傳，Eason不表擔心，亦不影響錄音工作。

陳慧琳落實產後第一騷

而張繼聰為《現代塵世美》節目做配樂，笑言見張家輝多過見老婆，但他認為兩公婆各有各忙，可長期保持新鮮感。

另外，陳慧琳（Kelly）已落實下月演出《保良》，作為產後第一個大型表演，監製賴偉棠大讚Kelly產後仍然好弗，而且善心爆棚，一口便答應演出。其實Kelly與無綫關係十分良好，去年婚前一日，也擔任無綫台慶亮燈儀式嘉賓。

「四角關係」爆潮金句

今年3月，陳奕迅擔任謝安琪個唱嘉賓後，即爆出緋聞，事件中兩對夫婦四個人都是潮人，回應時亦零舍潮過人！

陳奕迅

「係好無聊嘅新聞！啲人嘅智商、邏輯去晒邊呀?」又表示若遇到被踩的報道，會「五」笑置之來面對。

徐濠縈（陳太）

「（談到與Kay睇騷冇交流）唔使扮Friend畀人睇！」

謝安琪（張太）

「我哋（與陳奕迅）都覺得唔需要避忌啲咩！大家見面係為工作，私底下一餐飯都冇食過。」

張繼聰

「佢（謝安琪）從來都冇讚過我靚，只係讚我有型，佢嘅心一直喺我度，我嘅心就喺佢嘅Locker度。」