早前拍劇傳不和的鄭嘉穎及王喜，昨日與黃宗澤、陳茵媺及李亞男等日在旺角宣傳《烈火雄心3》，吸引數百市民圍觀，交通一度癱瘓！王喜甫抵埗即「失蹤」，原來他獨自派發自製的宣傳防火貼紙，嘉穎則與其他演員派發防火單張。對於離隊宣傳，王喜表示是監製意思：「係監製叫我行去嗰邊，我聽指示咋！我派自製貼紙都得到監製同意，為套劇宣傳，唔係個人宣傳！」
近日有網民發起到宣傳活動噓爆嘉穎及胡杏兒，但昨日未見有人踩場，相反嘉穎卻大受歡迎：「我都好想見識吓（有人噓），帶咗紙巾準備塞耳！其實都係拍戲，唔使太認真！（王喜派自製貼紙？）冇留意，我同成班人一齊！其實達到宣傳效果就得，都傳過我哋不和，咪當宣傳囉！」另外，對於與王喜的種種是非，嘉穎昨日接受查小欣訪問時說：「唔係每個同事都可以做到朋友！（王喜）係有改對白，唔影響對手就得！」