前晚是Fiona的28歲生日，但祖名及大同竟未獲邀請出席生日派對，相反由富貴TB密友「大眼Ann」陪住！前日下午5時，Fiona坐保母車到觀塘工作，7時半返家打扮裝身，8時半再坐的士到灣仔一家私竇酒吧開生日派對，行程緊密！

打的赴約 Fiona獨自搭的士到私竇，落車後打電話搵救兵。	急Call救兵	雨中漫步「大眼Ann」（左二起）本來全程黐着Fiona，享受雨中的浪漫。

玩至晚上11時半，Fiona在「大眼Ann」及一男一女友人陪同下步出，玩得興起的她走路時手舞足蹈，手持生日禮物，未知是否「大眼Ann」所送！當記者上前拍照時，Fiona即顯得十分驚訝，原本全程行在她身邊的「大眼Ann」更即時彈開避嫌！Fiona問記者：「係咪有人報料？」記者否認後，追問她會否有下場？她表示會回家休息：「你哋仲會跟我？」記者表示不會，但她風騷說：「我唔信你哋！」之後她由友人送上的士，最後獨自歸家。

祖名（左）與大同未獲邀請，同是失意人！ 資料圖片	雖然玩足一晚，但Fiona昨日出席活動時依然容光煥發。	放大圖片

咬耳仔旁若無人

據知，Fiona在場內玩得非常High，「大眼Ann」全晚陪在左右，除不斷咬耳仔密斟之外，連去洗手間亦翹着手，全程形影不離兼旁若無人！其實「大眼Ann」之前亦曾被拍得跟Fiona約會，而她亦有不少圈中人密友，包括陳樂榣及張豪龍的前女友Ann Ho。

開心一晚後，Fiona昨日出席記者會時表示，前晚跟圈外朋友食飯慶祝後即回家休息，全晚滴酒不沾，並就緋聞男友冇出現解畫：「方大同唔喺香港，不過佢有打電話祝賀我！房祖名都有SMS我呀！（佢哋有冇送生日禮物？）普通朋友，一個SMS夠啦！」她笑言不急於拍拖，母親也沒有施壓：「我心境年輕，可以慢慢揀，到48歲都等得，最怕揀錯對象嫁錯郎！」

埋身2年 拖手睇戲

性取向撲朔迷離的薛凱琪，與富貴TB密友「大眼Ann」早於07年12月相約在圓方睇戲，當時二人態度已經非常親暱，大方拖手入場！離開時，「大眼Ann」亦全程傍實左右，而且警覺性甚高！貌似袁詠儀的「大眼Ann」，據知家住半山，頗有家底。